誰是鹹豬手
肥然、小浩、大祖三人北上尋歡，為免畀公安掃黃，佢哋去到一個比較偏僻嘅小鎮玩樂。入到夜總會後，經理立即安排三人坐低及選美，當各人都揀到心頭好後，經理就表示呢度周不時都會停電，果然半小時後就停電，期間三個囡囡都畀人胸襲，當恢復電力時，三個囡囡就投訴畀人摸胸，但肥然等人都話自己冇胸襲過佢哋，由於死無對證，三個囡囡都冇符。又過半小時，再次停電，其中一個囡囡靈機一觸話：「我哋齊齊拍手，邊個冇拍手嘅，就即係胸襲我哋嘅鹹豬手。」肥然三人話好，於是齊齊拍手，拍掌聲不絕，點知囡囡仍然畀人胸襲，當恢復電力後，囡囡竟發現肥然兩邊臉頰紅鬼晒，所以一致認為佢係一邊摑自己塊面製造拍手聲，一邊抽水，肥然百辭莫辯，於是向每個囡囡畀多一百蚊小費賠罪。事後，肥然百思不解係邊個打佢塊面同胸襲囡囡，此時，小浩同大祖就笑淫淫話：「唔係我哋仲有邊個吖！肥仔！」終於真相大白。