奇聞趣事：夜場出現假人仔
早幾日，我同個夜場經理茶敍，佢話多咗好多內地客幫襯，理應賺到笑，點知依家要倒貼！經理解釋：「好多時啲內地客飲到High晒，都會將港紙同人仔夾埋一齊埋單，以為會多執幾百蚊啦！點知原來當中有啲係假人仔，呢個情況一星期發生幾晚，十分嚴重。而且唔止我哋夜場收到，連囡囡同客人出街開房後都試過收到。」經理話通常唔會全部都係假人仔，10張中只約有3張係假。我問經理會唔會因此而拒收人仔呢？佢就話：「咁又唔會拒收，不過就會鼓勵內地客人碌卡埋單，若然不幸中招收到假銀紙，就由負責埋單嗰個員工賠錢囉！」吓！咁咪即係變相貼錢打工，點講都唔通啦！
雞蟲熹簡介
o係色慾界打滾多年o既色途老馬，晚晚都出去蒲，口頭禪係唔滾唔知身體好。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk