有女冇客

認識A叔已超逾10年，那年代香港的夜生活雖然已經走下坡，但還未至於像今天的暮氣沉沉，A叔話：「夕陽工業？係呀！依家基本上都無乜新人入行，來來去去咪又係嗰班老嘢，仲唔係夕陽工業！」全盛時期，就我所知，A叔手上有好幾家夜總會和指壓場，不過年復一年，賣的賣，倒的倒，現在他手上的娛樂資產已經所餘無幾，據他說，沒有把場關門，並不是因為還有錢賺，只是一班伙記已經跟他搵食一段日子，現在將這些夜店關門大吉，他們還哪有甚麼出路？A叔話：「班伙記無學識、無技能，唔撈呢行真係唔知可以做乜。咁風光嘅時候，佢哋都真係幫過手，總之我哋撐到就撐啦！」

這天在街上遇到A叔，他叫我幫幫忙寫一寫他的那家K壓場，但他的場根本沒有女孩肯上鏡，實在幫無可幫。他眼睛一轉，忽然問我，今晚有冇時間？原來A叔想叫我去捧場：「今時唔同往日，客如輪轉，啲囡囡都返晒公司等做生意，依家啲女，鍾意就返工，唔鍾意就休息，搞到無定向風，今晚突然好齊女呀，但弊在唔夠客，所以咪焗住周圍搵朋友上去捧場囉，如果唔係，啲女走o架啦！」