大肚疑雲
居住喺半山豪宅嘅寡婦米蘭好有米，皆因佢個死鬼老公留低咗筆過億遺產畀佢。而米蘭請咗個叫絲雅嘅貼身助理，照顧起居飲食。有日，米蘭拎住一支載住黃色液體嘅玻璃樽交畀絲雅，叫佢送去畀醫生驗尿。絲雅揸車去到目的地後，就拎住玻璃樽落車，點知唔小心跣手，玻璃樽跌落地碎晒。絲雅驚被炒魷魚，於是諗計補鑊，突然靈機一觸，佢先去便利店買支水飲，之後去洗手間用水樽載住自己嘅尿液，然後交畀醫生檢驗。過咗幾日，米蘭收到醫生嘅電話，話檢驗報告指佢已經懷孕三個月。米蘭聽到報告後即驚呼大叫：「冇理由嘅！我每晚用蘿蔔自娛點會懷孕呀？」