大婆精讀
早前台灣有套電視劇《犀利人妻》好收得，呢套講述婚外情故事嘅劇集，最近仲出埋相關書籍，名字叫做《犀利人妻養成計劃：撞到小三不用怕！》
聽個名就知道，係一本教大婆防備小三影響夫妻關係嘅專書。當中收錄咗唔少電視劇內主角嘅精彩對白，好似「在愛情的世界裏，不被愛的那個，才是第三者！」、「不能消滅狐狸精的女人不是好女人，不能保護老公的人妻不是好人妻！」等等。
作者透過呢啲對白，深入淺出咁分析問題癥結所在，而最重要係帶出一點，叫啲大婆咪淨係一味將責任推落老公同小三身上。夫妻間出現任何問題，做太太嘅都責無旁貸，所以知道事情發生，就應該想辦法解決，而唔係發神經同埋推卸責任。如果你都想做個可以趕走小三嘅犀利人妻，不妨買本嚟睇吓啦！
書名：《犀利人妻養成計劃：撞到小三不用怕！》
作者：梁蘊如
售價：NT$260（約HK$65）