奇聞趣事:夜場多失竊
提到夜場失竊,大家必定會認為受害者係玩家,但我雞蟲熹話你知,實情係囡囡至真,失物包括名錶、名貴首飾等。早前囡囡C就被人偷咗隻錶,佢話:「嗰晚招呼幾個客人,佢哋年約四、五十歲,佢哋見我戴咗隻『鋼勞』,就大讚我有品味,跟住就要求我除隻錶畀佢哋欣賞,之後佢哋幫我戴番隻錶。我不以為意繼續唱K飲酒,最後佢哋冇Mark我出街鐘就走人,及後至發現唔見咗隻錶!」C認為客人係早有預謀向有「行頭」嘅囡囡落手,先鑑證隻錶係堅貨,然後就藉欣賞要求囡囡除錶,實情係測試得手難度,之後就趁有身體接觸時落手。C更懷疑呢班賊人係集團式偷竊,係夜場「魔術手」,唔少姊妹嘅首飾頸鏈都經常不翼而飛,甚至手提電話都被人偷埋。C話:「依家開工唔會再戴名錶或名貴首飾,以免成為賊人嘅目標。」
雞蟲熹Profile
o係色慾界打滾多年o既色途老馬,晚晚都出去蒲,口頭禪係唔滾唔知身體好。
歡迎讀者爆料交流
爆料熱線:3600 6688
傳真:3600 6800
地址:香港大埔工業邨大昌街23號東方報業中心
電郵:happy.sup@org.com.hk