Jessie Andrews瞓身工作

實施最低工資後，勞資雙方怨聲載道，拗來拗去仲係飯鐘錢同休息日薪金問題，政府懶得理，難怪低薪一族有人工加都唔開心啦！正所謂比上不足比下有餘，原來有四仔脫星嘅收入仲低過最低工資，佢就係Jessie Andrews，不過阿妹冇半句怨言，仲好努力工作添！

Jessie外形索爆，但由於佢新入行，缺乏經驗，又冇知名度，故片酬比較低。而公司成日安排啲長時間又惡頂嘅工作畀佢做，好似喺沙灘拍寫真，閒閒哋拍足一日，由早到晚10粒鐘，真係曬到燶。而阿妹為求上鏡靚靚，仲要自掏腰包請星級化妝師「執靚」，變相倒貼。就算本寫真賣得，佢又冇花紅分，只係賺咗人氣，咁點夠維生呢？所以阿妹惟有接多啲Job，日間剪綵，夜晚跳桌上舞，仲做埋「龍友團」裸體模特兒，算係山大斬埋有柴。但每份收入都要同經理人對拆，真正落袋唔係好多。計計數，阿妹冇休息日、冇飯鐘錢，更冇人出面爭取合理待遇，點解佢仲要咁委屈自己？咪係為咗理想囉！阿妹希望有朝一日成為炙手可熱嘅一線脫星，所以唔介意人工少又工作辛苦，將來一次過賺番晒咁話！阿妹，小弟支持你！

Jessie Andrews's Profile

出生日期：1992年3月22日

三圍：34C-25-33

身高：5呎8吋