薄唇外凸渴望愛情
囡囡嘅上唇好薄但向外明顯凸出，原來喺相學上嚟講，呢種囡囡好渴望得到愛情嘅滋潤，但同時又唔係好相信愛情，因為嘴唇薄嘅人，對感情嘅事都比較冷淡，但上唇凸出嘅朋友，卻渴望愛情來臨，係咪好矛盾呢？
其實主要都係受到朋輩嘅影響，佢哋本身係一個對愛情冇乜期望嘅人，但眼見身邊嘅朋友個個一雙一對，於是又對愛情產生渴望嘅感覺，如果出現真命天子，可能會改變佢嘅想法，令佢成為一個幸福小女人，但如果遇人不淑，就會從此以後都冇膽再入情關。所以發現自己出現咁嘅嘴形，喺交男朋友時，真係要小心謹慎，咪因為貪靚仔或者只追求浪漫，而忘記留意人品問題呀！