與空氣纏綿
早年曾興起鹹濕電話熱線，為男士提供色情對話同真人講鹹古服務，令男士們能夠透過電話同女服務員於空氣中纏綿。不過，曾經試玩鹹濕電話嘅朋友，有冇驚過自己與對方「纏綿」之際，自己興奮莫名、咬牙切齒嘅肉緊表情會畀人睇到呢？如果閣下未驚過，甚至好想Show呢一面畀人睇，不如參加呢個Air Sex Championships（空氣纏綿大賽，下簡稱ASC）啦！
投入幻想
呢個ASC每年都會分三季舉行，最近嘅一屆就剛於5月7日喺美國德克薩斯州舉行。比賽嘅玩法係由參加者走上舞台，表演與空氣纏綿。參加者可以做出各種交歡動作同興奮又銷魂嘅表情，亦可以盡情呻吟，如果想增加氣氛令自己更加投入，可以要求大會播放自己最鍾意嘅音樂做陪襯。
而參加者可以單人或組合作賽。不過，重點就係，期間一定唔可以直接刺激自己或組員嘅性器官。而評審就會選出表現得最投入、最興奮、最出色嘅參加者作為優勝者。