奇聞趣事：鳳姐大遷徙

最近九龍城區出現咗大批鳳姐，佢哋人靚身材好，而且唔止有陀地，仲有好多係新到北妹，令呢區成為一樓一聖地。原來當中有好多囡囡，原先喺新蒲崗開檔，但最近啲舊樓畀人收購完一幢又一幢，搞到佢哋要跨區大遷徙。其中一位陀地鳳話：「家陣九龍東嘅舊樓，真係買少見少，好似新蒲崗就已經將鳳姐趕絕晒，遲啲就到紅磡同土瓜灣，依家希望九龍城唔好咁快進行大規模嘅舊樓收購行動，否則我哋就要焗住走晒去觀塘區搵食，到時生意就會更加難做。」鳳姐講得冇錯，因為觀塘已經有近百位鳳姐喺度搵食，僧多自然粥少，為求生意，囡囡往往要加送特別服務，有時仲要割價吸客，好似舊年就有囡囡推出300蚊40分鐘任做套餐，如果九龍東嘅囡囡全部過晒嚟開檔，搵食就更加艱難。另一邊廂，對嫖客嚟講當然係好事，囡囡選擇多，又有平嘢食，一舉兩得！

皮哥Profile

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk