福岡多剩女

早前有調查報告指出，香港女多男少嘅現象愈來愈嚴重，所以各位單身男士應該更容易搵到合適嘅結婚對象。之不過，作為獨男嘅我，卻又唔多覺合適嘅單身女仔比想像中多，而且港女一向都被人標籤為貪慕虛榮、好高騖遠，兼且重視物質生活，所以諗諗吓，女多男少對於小弟嚟講，唔能夠算得上係一個好消息。咁我哋一眾單身男士又如何是好呢？

其實唔需要擔心，因為我哋可以向日本女仔埋手。根據日本政策投資銀行最新進行嘅一個統計，發現日本單身女士比率愈來愈高，當中尤以福岡地區特別多，年齡介乎25至29歲嘅單身女性比率高達68.8%，而年齡介乎30至34歲嘅女性比率則有41%，所以單身男士抽空去福岡走一轉，話唔定能夠完成我哋大中華男兒嘅終極夢想，娶到日籍美女做老婆呀！當然，大家可能會話，福岡單身女性多，可能因為佢哋醜樣喎!事實上，福岡女仔出名可愛、聲線甜美。當然，咁亦唔能夠一概而論，搵唔搵到一個靚靚嘅福岡女仔做老婆，都係要靠自己嘅眼光同運氣，同時亦要學好日語啦！