軟性逼供

革命黨高層成員阿豪於一次行動中失手，被大帥嘅士兵捉住困於監牢，再被施以各種酷刑逼供。之不過，阿豪經過長期訓練，而且愛國之心夠晒堅定，因此即使被鞭打、被火紅鐵棒烙印，亦照樣守口如瓶。今朝，兩名負責逼供嘅獄卒於阿豪個監倉內，一邊食早餐，一邊傾偈。

獄卒肥寶話：「聽聞江湖中有唔少功效神奇嘅春藥，可以令女仔發情。」獄卒肥明就話：「係呀！好似『我愛一支棒』、『奇淫合歡散』同埋『淫賤不能移』都係上品。」肥寶又問：「如果畀男人食其中一隻春藥，效果會點呢？」肥明笑住話：「咁咪會追住女人想做愛囉。」肥寶又再問：「如果畀大帥剛剛買番嚟隻黑熊公食呢？」肥明就答：「咪會搵隻熊乸交配囉。」

肥寶聽到之後，若有所思，然後話：「如果，將一個食咗春藥嘅男人，同一隻食咗春藥嘅黑熊公放埋同一個鐵籠入面，咁會點呢？」肥明哈哈大笑咁話：「最好就係將個鐵籠放到大街，咁樣一眾老百姓就可以睇到驚世駭俗嘅一幕好戲喇，真係令人期待呀！」阿豪即刻大叫話：「我講喇！我乜都講喇！」