鬥快
瑪麗、海倫和姬絲喺一間公司工作，呢日三人相約到一間餐廳食Lunch ，期間見到老闆出現，瑪麗就話：「老闆啲衫款換得快到冇人有呀！」兩女問：「你又知？」瑪麗話：「我做會計，點會唔知，每月總有大疊單送嚟，要老闆找時裝店條數！」海倫不屑話：「佢剝衫仲快呀！」兩女問：「你又知？」海倫話：「我做Sales，點會唔知，我周不時都要陪老闆去應酬，佢飲醉咗，就會第一時間剝衫，快到冇人有呀！」姬絲藐嘴話：「剝衫好快咩？佢着衫仲快呀！」兩女問：「你又知？」姬絲話：「我係老闆嘅秘書，點會唔知吖，我哋周不時出外偷情，有次佢老婆帶班人嚟捉姦，佢幾秒鐘就着番好晒衫褲走人，問你服未？」