鴛鴦屁股看風使
唔知大家有冇發現，有啲男人嘅屁股，左右唔平均，一邊大、一邊細，原來喺相學上嚟講，呢啲男人性格比較機靈，應變能力高，但做人處事往往看風使(巾里)，邊處利益大就會投向邊一處，一啲義氣同原則都唔講，冇乜誠信可言。
對於追女仔，佢哋絕對係高手中嘅高手，但容易來，容易去，唔會好好珍惜對方，當更好嘅對象出現時，就會毫不留情咁將舊女友踢開，如果舊女友想挽救呢段感情，只會受到更大嘅傷害。
喺性事上佢哋比較主動，而且喜歡控制大局，啱啱追你嗰陣，佢哋會令你猶如置身天堂中，但當你成為過去式，佢哋亦可以輕易令你活於地獄中，認真得人驚。想收服呢種男人，除非你條件好好，又識耍手段，否則打退堂鼓算啦！