柔情女王SM訓練班

提起「SM女王」，女人話怕怕，男人則超興奮，但若然呢班SM女王只係得個樣，仲溫柔過英國新王妃，過程又冇埋身肉搏，咁你哋又點睇先？喺日本新宿，近年一間叫做「Myrrh Mistress」嘅風俗店於業界崛起，原來佢哋係一間由AV女優做「教頭」嘅SM秘技學堂，想變SM達人，你就一定要知！

行外人總覺得SM係變態重口味，查實係佢哋對SM了解不多所致！就以綑綁為例，相信大部分玩家都唔知道正確綁法，更連有幾多種綑綁方式都答唔出！相反，台灣早喺5年前已出現專業級愉虐學校，搵嚟專人教授正確綑綁方法，令一眾同好變成專業玩家，亦令外界對愉虐多點了解！

女優做導師

近期成為日本成人網熱話嘅「Myrrh Mistress」風俗店，大家咪以為佢係一般玩SM女王主題嘅風俗店喎，事關場主表明絕不提供性服務，純粹由柔情女王親授一切床上安全愉虐行為！風俗店開業兩年，起初由兩名專演SM三仔嘅AV女優Kasumi及Amane開設及執教，現時已增至四名導師，可謂貴精不貴多。叫佢哋做柔情女王並非老作，根據導師Blog及網友留言顯示，導師純粹欣賞「SM」藝術，繼而將興趣變成職業。

課程三級制

稱得上做親授SM課程，當然唔少得身體接觸，不過網站上已清楚列明服務細則，如未得「Mistress」同意，客人不得擅自觸碰其身體；其次係學堂只招待會員，每名男學員於入會前需經過工作人員審核評估，合乎資格先可以上堂。

由於SM玩法眾多，Mistress大致將其分為初、中、高三級，目前最多學員為「初心者」（初入門），課程中會再細分為三部，包括「開發部」、「浣腸部」及「擴張部」，時間由110分鐘至230分鐘不等，收費則視乎時間長短，由¥22,000（約HK$2,090）至¥42,000（約HK$3,990）不等，豐儉由人！

分Part教愉虐

「開發部」由導師一邊口述、一邊示範各種常見性道具，假如道具屬女性用，則由囡囡做男角對客人示範，令男士感受過程快感及力度。至於綑綁，初級班會先由囡囡示範如何綑綁客人，學員想綁導師，則要到高級班至有得諗。「浣腸部」會畀學員學習如何利用生理鹽水徹底清潔後門而不令對方產生抗拒，當然都係由導師施行啦！最後嘅「擴張部」，則着重官能及生理刺激。清潔完後門，導師會示範如何安全地走後門，同時令受者，亦即係客人學員獲得快感！

上完初心者課程，可選擇上中、高級課程，完成所有課程後雖然冇證書頒發，但基本上已包保學員可以成為一名安全性虐待玩家。喺四位女王導師嘅網誌內發現不少學員留言，其中一位網名美沙樹先生嘅客人表示，已完成高級課程，開始同另一半享受「SM」性愛快感：「未去Mistress學習前無法正確了解性虐，經常胡亂使用道具發生意外，直至學識虐待及被虐步驟，玩得暢快又安心，現更將SM視為藝術……」