受刑日記
肥賢係活躍上海嘅抗日特工，但因為一次任務失敗，被日軍特務首領川島芳子捉住，困喺霞菲路9號嘅獨立別墅入面。其他抗日特工得知此事，於是設法營救，最後幾經辛苦，終於殺入別墅，但可惜嚟遲一步，只係搵到肥賢嘅受刑日記。
眾特工翻開肥賢嘅日記，上面寫住：「第一日，佢哋將我吊高毒打，打到佢哋手軟，我都冇講過半句說話……第二日，佢哋灌我飲辣椒水，雖然味道好辛辣，但比起老家嘅麻辣湯底，都仲差一皮，所以我成桶飲光都面不改容。」眾人睇到十分動容。
「第三日，我見到川島芳子，個日本婆竟然喺我面前跳脫衣舞，我不為所動，只係……小弟弟出賣咗我，喺女魔頭整夜嘅摧殘底下，我只講咗特工名單嘅三分之一，因為我相信咁嘅酷刑，我仲可以捱到三日或以上，咁我就可以享受多三日。第四日，當我正準備再度接受川島芳子嘅淫辱之際，就見佢哋將支槍上膛，佢哋竟然決定唔再盤問落去，唔攞埋其餘嘅特工名單就打算將我槍斃……」