貓耳女千祈咪亂上
睇日本寫真集，經常見到啲女優會扮貓女示人，除咗着到一身貓服外，仲會戴上一對尖尖嘅貓耳，原來相學上亦有貓耳，就係耳仔最上面嘅位置，生得尖尖咁。如果囡囡擁有貓耳，會比較受男士歡迎，但唔好開心住，因為姻緣都會來去匆匆！
生有貓耳嘅女仔，做人做事都充滿神秘感，吸引男士注意，但只要同佢哋交往後，就會發現佢哋只係故作神秘，而且性格矛盾，唔係好相信人，欠缺是非之心，可以用神經質嚟形容，所以冇乜男仔可以同佢哋長期交往，感情起伏不定。
喺性事上，佢哋比較保守，因為唔相信人嘅關係，所以同得你上床，佢就認定要同你結婚，如果對手只係想玩一夜情或者玩吓就算，咁就要小心處理。因為佢哋愛恨分明，而且有仇必報，分手時要花啲心思，否則小心搞出個大頭佛。