唧出慾火合奏Laughing歌

出嚟玩最怕就係遇到唧都唔笑嘅囡囡，睇見佢哋黑口黑面咁款，真係乜Mood都冇晒。不過，如果幫襯以下呢間最新開張嘅唧唧風俗店，就保證囡囡笑到唔停得口，甚至標眼淚添！

最近日本受完地震同海嘯威脅，又再受輻射問題困擾，未來仲要面對重建同經濟問題，對於本身已經要面對經濟困境嘅日本人嚟講，真係雪上加霜，無論老定嫩都活於愁雲慘霧之中。而各行各業當中，風俗業界更加可以稱得上係最慘嘅一行。

笑看明天

經濟不景氣，大家使錢自然要慳住個荷包，近期日本風俗業界嘅生意就大受打擊，喺生意大跌之下，有好多風俗店面臨執笠危機。

不過，日本風俗業界人士嘅生意頭腦十分靈活，為幫助市民面對逆境，涉谷嘅「搔癢出張美容院」（簡稱搔癢院）就隆重登場喇！

呢間位於涉谷嘅出張按摩風俗店，由知名AV女優Roco創辦，最特別嘅地方，就係主打容許客人喪唧風俗孃嘅特殊服務。只要客人從搔癢院嘅網頁選定合心水嘅風俗孃後，再打電話預約時間，風俗孃去到客人下榻嘅酒店房之後，客人就可以喪唧風俗孃，無論係頸、腋下、腰際、膝頭、腳板底等各個敏感地帶，均任由客人落手，直至風俗孃笑到典床典蓆，嗌救命兼標眼水，目的就係希望以笑聲感染客人，一齊笑看明天。

道具繁多

風俗孃畀客人唧到標眼水，塊粉面一定濕晒。然而，要令風俗孃一路濕落去，單靠客人嘅一雙手可能唔足夠，而且有欠趣味，唔緊要，因為風俗孃一早就已經帶齊道具出動，好似能夠令人痕到咬牙嘅毛筆、雞毛掃、塑膠手指、牙刷、膠梳，另外震棒、震蛋亦不欠奉。而風俗孃為怕自己頂唔順而對尊貴嘅客人作出反抗行為，所以一系列拘束道具亦都準備埋，等客人可以綁住自己，咁又可以滿足埋客人嘅拘束慾望。當然，如果客人都想笑到反肚，亦可以將角色調換，等風俗孃唧到自己面露笑容亦得。

而大家互唧之後，慾火已然隨住笑聲而飆升，呢個時候隨便自由發揮就得喇！搔癢院嘅服務收費方面，90分鐘收¥26,000，折約HK$2,440，我諗客人畀錢嗰陣會笑唔出囉！