黑色線頭
幼稚園Miss小雪帶咗幾個小朋友去私人會所嘅嬉水池玩，為免失禮，之前佢花咗半個月人工，買咗一套名牌泳衣，事前更將腋下毛毛剃得一乾二淨。當小雪換上泳衣後，小朋友們都大讚件泳衣好靚，令佢滿心歡喜。點知其中一個小朋友小崔突然指住小雪嘅上半身話：「老師，點解你胳肋底有一條黑色毛毛嘅？」小雪心諗：明明已經剃乾淨o架喎！當佢遞高手一睇，發現原來係一條線頭，就即時拎走線頭話：「係條線頭嚟啫！依家乾淨晒！咁大家可以去游水啦！」小朋友們拍手讚好，點知呢個時候小崔又指住小雪嘅下半身話：「老師，你下半身仲有一條線頭呀！」小雪低頭一望，發現原來係剃剩條恥毛，相當尷尬，惟有呃小朋友話：「吖！唔知點解身上咁鬼多線頭，等我去洗手間掹咗佢先得！」