小嶋陽菜 大個女
日本人氣組合AKB48嘅成員，個個都青春可人，活力十足，要突圍而出，真係少啲本事都唔得，而被喻為全隊中最靚女、最有觀眾緣嘅，一定非小嶋陽菜莫屬。早前佢推出新寫真集，據講反應十分熱烈。
今次嘅寫真集，可以話係落重本製作，事關出版社除咗搵嚟攝影大師宮坂浩見負責操刀外，全部工作人員更飛晒去夏威夷作實景拍攝，全書盡是陽光與海灘，配合埋陽菜嘅水着演出，絕對令粉絲密切期待。
其實09年時陽菜都出過寫真集，但當年嘅佢，主力Sell青春活力，今次則玩成熟同性感魅力，展現出另一種味道來，係Fans嘅，當然要買番本嚟珍藏啦！
書名： 《女孩子的神》
出版： 集英社
售價： ¥1,470
（約HK$138）