水着孖辮少女
日本嘅電玩界同動漫界都好鍾意將三國時代作為故事創作背景，甚至惡搞一番，除咗有Hit爆嘅十八禁電玩《一騎當千》外，仲有《真．姬戀無雙》，同樣將一班名臣武將變晒做身材玲瓏浮凸嘅美少女，而今次介紹呢個性感水着孖辮少女首辦模型，就係當中嘅女主角之一—愛紗喇！
喺電玩中，講述關羽轉生做咗身材索爆嘅孖辮少女，名叫愛紗，係一名大學生。而呢個模型不但充分保留原作嘅神髓，心口一樣咁激凸之外，仲以水着造型登場，擺出趴低扮狗仔甫士，養眼度爆晒燈！此外，身上件泳衣，採具有彈性嘅軟膠製造，玩家可以將泳衣拉低，或將條泳褲拉高玩走光，相當過癮。除咗有黑色泳衣外，隨模型附送一件紅色泳衣，讓玩家替換，好玩度攞滿分。
全 高：約130mm
售 價：¥6,980
（約HK$663）
發售日期：預計6月