顴骨有痣 失去性趣
男人嘅顴骨生得靚，就表示佢能夠喺公司話得吓事，令手下聽命於佢，會係一個出色嘅管理層，但如果顴骨位置生咗粒癦或者痣，卻會拖累佢嘅事業，就算身居管理層，都經常會畀手下打小報告，畀老闆雞蛋裏挑骨頭，總知凡事都唔如意。
喺感情上，佢哋原本會係個唔錯嘅情人，但由於佢哋嚟自工作嘅壓力實在太大，所以或多或少都會影響到兩人嘅感情生活，如果女伴可以喺身邊默默支持，就會有唔錯嘅發展，但如果嫌三嫌四，嫌佢冇時間陪你，又嫌佢冇職升，咁樣一定會分手收場。
至於喺性事上，顴骨有癦痣嘅男人，同樣因為工作嘅關係，會出現兩極化嘅情況，一就係會當性行為係減壓嘅工具，二就係會對性事完全失去性趣。如果係前者，女伴應盡量配合，少去計較；如果係後者，咁就要去睇心理醫生喇！