世界波：夢想選美唔做死鹹魚

好多四仔脫星都好恨攞四仔奧斯卡最佳女主角，但估唔到Jennifer Stone竟然恨做美國小姐，奪取后冠。可惜，阿妹係艷星，連參選資格都冇，莫講話可以當選啦！不過，阿妹堅持夢想，話一日未試都唔知成與敗喎！

入行已經有6、7年嘅Jennifer，雖然未上到位做一姐，不過多年嚟片約不斷，事關佢係四仔綠葉王，做配角做到出晒位，不過一做主角就唔賣得，真係時也命也，所以佢都睇化晒，唔會再諗自己嘅四仔事業可以更上一層樓，總之有戲拍，搵到錢就算。

堅持夢想

人人都有夢想，Jennifer就希望自己可以當選美國小姐，又話如果時光倒流10年，佢一定去參加選美，唔會入行拍四仔。好多同行姊妹都笑佢大想頭，做配角做到癡咗。阿妹話：「知道好多人都笑我，不過做人無夢想，同條鹹魚有咩分別呢？所以我會堅持呢個夢想，就算明知無可能，終有一天我會去嘗試，一日未試都唔知成與敗。」Jennifer嘅豪情壯語好似曾相識喎！

努力Keep Fit

阿妹話自己搵多兩年錢，就會收山，到時就會去參加選美，雖然佢年紀已經唔細，但係好有信心，以自己副Fit爆嘅身材迷倒一眾評判，Jennifer話：「我會努力Keep Fit，以最佳狀態參選，因為女人年近三十，身材就開始走樣，加上拍戲時要同男優肉搏，真係好容易殘，所以依家開始要錫身啲，唔會咁搏o架喇！」

作品推介

碟名：《Double The Fun !》

內容：套戲話明係打孖上，梗係有兩條女拍住上，不過Jennifer只係做配角，當孖妹玩到大汗疊細汗要抖抖嘅時候，Jennifer先出場，戲份唔多，勝在夠搶鏡。

Jennifer Stone's Profile

三圍：34B-25-34

身高：5呎6吋

年齡：27歲