岡本玲水着大突破
日本好多女明星細細個就出道，所以有10年演藝生涯經驗，真係好平常。就好似今日要介紹嘅岡本玲咁，佢就係出道快10年嘅人氣女星。呢10年來，佢染指過嘅範疇包括電影、電視、廣告、舞台劇，而佢本身仲係一名創作歌手，百足咁多爪嘅佢，近日更學人推出寫真。
想當年身材麻麻嘅岡本玲，真係可以用長平公主嚟形容，但隨着年紀漸長，今年已經20歲嘅佢決定嚟一個大突破，以性感水着示人，展現性感成熟嘅一面。部分寫真更飛到泰國取景，可以話不惜工本，到底岡本玲可唔可以搖身一變成為性感偶像，就真係要買番本嚟研究吓先知喇！