埋堆

骨女Z毅然轉行去，是因為她實在頂不住小姐房的黑暗。「小姐房分黨分派都好小事，有女人嘅地方就自然有是非，我以前做過幾間場，都有啲咁嘅情況，只要唔係太過分，我都OK。」她說的黑暗，是那種「識做」的風氣。「每逢過時過節，啲女都自動自覺封利是、送禮物畀啲經理同管小姐房嘅人，唔送會點？冇人知會點o架，但人人都送，你夠膽唔送咩？一陣間將我個牌掛起咪冇客可做？」

讓她真正灰心的，是前陣子開始，連經理、主管生日都要籌旗辦Party，埋單當然又是她們一班囡囡，少不了的，還有送禮和利是，可以不埋堆嗎？最差的後果會是怎樣？不能向老闆投訴嗎？我認真地問她，我不是鼓勵她繼續做骨女，而是她年紀不小了，轉行嗎？她又沒唸過甚麼書，好，當你自己開檔跑去做上樓骨，你性格適合嗎？會計數嗎？話晒自己生意，到時要兼顧的可不少，還未計一堆一個人看檔的安全問題……她一邊搖頭：「唔埋堆，一定影響生意，因為輪咩客、做到咩客完全由佢哋話事。至於你話同老闆講？呢啲位好多都係佢嘅親信又或者親朋好友，點會信我哋呢啲外人吖？」