玩得High搞出人命
人生需要刺激，即使係文質彬彬、道貌岸然、飽讀書經之輩，亦渴望於床上同伴侶玩得狂野又奔放，有時男方扮皇帝，女方則扮婢女服侍，亦可以倒轉過來，女方扮女王勞役男方，最好加多條皮鞭道具鞭策一番，夠晒過癮。不過，要提提大家，如果未有生育計劃嘅話，咁就要小心喇！因為玩得愈狂野，「搞出人命」嘅機會就愈高。
據美國一本心理學雜誌嘅文章表示，交歡時玩得狂野，男方嘅精子數量就會比一般情況激增55%，活躍程度亦大幅增加。至於女性方面，玩得愈激，愈能夠將壓力釋放之餘，亦容易得到高潮，令「中招」機率增加。另一方面，女方感受到高潮嘅時候，玉壁內嘅肌肉就會持續出現不自覺嘅蠕動，形成一種吸力，將受精機會進一步提高。不過，大家又唔使因此而喺床上收斂嘅，只要做足安全措施就得啦！