Sara Liz 妖妖哋男人受
藝人搵食其實好簡單，唔使用腦，用Body咪得囉！就以早前生擒林公子嘅霜霜咁，先流出慾照，食住個勢再翻炒舊內衣寫真，卒之掂咗！所以話世界點變，男女搵食方法始終冇變，照咁推論，即係有波晒波，有腿晒腿，正係成功嘅金科玉律！
改變形象
可惜脫星Sara Liz竟然要入行3年幾至明白呢個道理，大家咪睇眼前嘅佢咁迷人，怨女味濃。查實阿妹入行初時都走過靚女路線o架！唔係話佢唔靚，之不過佢天生淫邪相，走飢渴癡女路線可謂夾到絕，硬係要將自己扮索女、扮怕怕醜醜咁上床，變到不倫不類，吃力不討好之餘，觀眾唔Buy你，仲彈你假添！
或者係Sara Liz終於受到教訓，今年初開始，形象180°轉變，正如細佬所指，形態夠淫邪，不如就去盡啲，化個濃妝配合姣爆甫士，咁啲麻甩佬咪受晒囉！事實證明，自從阿妹改形象及戲路後，人氣有升冇跌，全裸寫真隔星期就更新，以佢嘅走勢，好快會有埋官網，粉絲等睇好戲啦！