殺與自殺
肥牛人如其名，除咗大大隻，力大如牛之外，仲精力旺盛，能於床上一晚三御，第二朝仲能夠準時返工，堪稱男人中嘅強者。由於肥牛能力咁強，所以貌美如花、性慾旺盛嘅美嬌好自然就同佢一拍即合，認識冇幾耐之後仲閃電結埋婚。
結咗婚之後，兩公婆晚晚激戰，三個月過去，美嬌覺得身體不適，於是搵婦科醫生作檢查。檢查完畢，醫生就話：「你可能因為縱慾過度，所以引致神經性疼痛，唯一解決方法就係停止行房三個月，否則可能會有生命危險。」
美嬌返到屋企之後就將檢驗結果話畀肥牛知，為咗老婆嘅健康着想，肥牛惟有聽醫生意見，三個月唔同老婆行房，而且仲分房瞓添。點知一個星期之後，肥牛晚上終於忍唔住行入老婆間房，未開房門，就見到美嬌出嚟，美嬌就問：「做乜呀老公？」肥牛一派正經咁話：「我……想嚟殺你囉！咁你呢？」美嬌一臉尷尬咁答：「我咪嚟自殺囉！」