眉尾缺死纏爛打
打開報紙，好多年輕男生為咗愛情，居然可以做出一些駭人聽聞嘅傻事，有啲會傷害對方，有啲就會傷害自己，有啲更離譜嘅就係攬住一齊死。原來喺相學上，若發現男生嘅眉尾有缺，就代表佢哋好大機會會為愛情做傻事，害人害己。
所謂有缺，需要左右一齊嚟睇，如果左右眉尾長短濃淡唔一致，就係有缺，眉尾有缺嘅人性格十分固執，凡事斤斤計較，熱戀時會迷頭迷腦地去愛，慢慢就會成日計算住對方，要求付出一樣嘅愛情，萬一對方接受唔到要求分手，佢哋就會死纏爛打。
熱戀時由於完全付出，所以做佢哋女朋友一定好冧，但係日子一久，囡囡就會發現佢哋嘅問題，慢慢更會因為忍受唔到而提出分手，如果處理不當，好易會發生悲劇。建議少同呢種人交往，萬一相處過後想提出分手，真係要小心處理，免生意外。