搬竇

鳳姐A最近又搬竇了，她這種打單泡的真正個體戶，總是會因為種種原因而左搬右搬，怕不怕熟客找自己不到？「唔怕，真係鍾意我嗰啲，一定跟住嚟，不過老實講，男人出得嚟玩，都係貪新鮮o架啦，幾鍾意咪又係上嚟兩、三次之後唔見咗人，客人邊會忠誠o架，佢得閒記得上嚟搵吓我已經好好啦！」

她其中一個搬竇的原因，也是因為原來的地址生意愈來愈不好，惟有另覓新場，改個名字，希望重新再來。「仲有真係唔夠樓下嗰幾檔北姑搶，走啦！」這個我之前聽鳳姐A說了很多次，但據我客觀看，人家可不是有心去搶她生意的，只是因為比她年輕、漂亮一點，客人自自然然往那邊溜吧！

「仲有呀，呢邊治安唔好呀，醉酒客多，做做吓掹袋嗰啲唔好講啦，有啲衰到趁你行開行埋唔為意嗰陣，偷手機、偷煙仔咩都有。所以沖涼我一定要同個客一齊o架，點知得佢一個喺外面會搞咩呀？走咗去點追呀？」她這種資深鳳姐，可是跌打損傷後的經驗之談：「唔好講嗰啲做完先講價嘅人渣啦！」對她來說，搬去香港島那邊，客人質素會更有保證云云。