奇聞趣事：鳳姐送愛心麵

鳳姐同嫖客出街食飯見過唔少，而鳳姐為客人煲湯，亦有所聽聞，但完事後送碗窩心牛肉麵，我雞蟲熹真係聞所未聞！一位駐守元朗嘅四川新移民鳳對我話，由於初到貴境時人生路不熟，生意一般，為咗慳錢，一日三餐都喺架步內搞掂，而佢最鍾意食麻辣牛肉麵，因此阿妹趁未有客期間，去街市買材料，然後返竇自己煮，由於煮得鬼咁香，搞到客人聞到都流晒口水，就此鳳姐開始於事後送客人一碗愛心靚麵。我雞蟲熹亦有幸食過鳳姐親手煮嘅麻辣牛肉麵，講真又幾好味！鳳姐話：「自細就跟阿媽學煮麻辣牛肉麵o架喇，味道當然有番咁上下啦！」 鳳姐又話，自從送麵畀客人食之後，生意仲愈嚟愈好：「一碗麵值幾多錢吖！最重要係幫到生意，客人又畀多啲貼士，何樂而不為呢！」

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk