太肥唔想做愛
小弟一直被人叫肥仔，曾幾何時我都想過減肥，但係我太過為食，又懶做運動，加上唔少女子都讚我肥頭耷耳好可愛，兼且好有安全感，於是打消咗減肥念頭，體重亦與日俱增。亦因為咁，令我對成日將減肥掛於嘴邊嘅女仔甚為反感，事關怕佢哋會逼我減埋一份，又嫌我肥唔願意同我上床。事實上，女仔又的確好在意自己嘅身材，如果身形太肥唔單止冇晒自信，甚至會變成唔願做愛嘅藉口！
最近英國一網站進行一項調查，訪問咗超過4,000名女性，結果當中52%嘅受訪者認為自己太肥，因此唔願做愛。另外，有10%嘅女士表示，因為唔滿意自己嘅身材，所以只願意喺漆黑環境中做愛。老實講，肥腫難分固然嚴重影響異性嘅性趣，亦會影響健康。不過，男人認為女人身上有少少肥肉，會更加有手感，所以女士們唔應該為此而搏命減肥，而且，上床運動都能夠有效消耗能量o架！