最強美乳10周年
近10年，日本水着女優人才輩出，好似擅使「變幻球」嘅星野亞希、香港好多K壓場同夜場都會盜用佢肖像做海報嘅杉原杏璃等，而早幾年就有我最鍾意嘅完美女神井上和香，當然亦唔少得有「史上最強之美乳」稱號嘅熊田曜子啦！
唔經唔覺，今年28歲嘅曜子已經出道10年，呢10年間，曜子嘅身材愈來愈索，家陣嘅三圍仲修到變成37F-22-33，曲線玲瓏嘅身段，加上堅挺圓潤嘅美巨乳，真係令人流晒口水！最近，為慶祝自己出道10周年，曜子特別推出最新寫真集《曜子》，除咗繼續大騷一對史上最強美乳以及無敵纖腰外，仲會以清純嘅素顏登場，令大家可以欣賞到曜子最原汁原味嘅一面！
由於近期日本飽受地震同輻射影響，所以熊田曜子就趁住宣傳寫真集期間，落力向公眾募捐，仲表示寫真集賣出嘅部分收益，將會捐作賑災用途，大家一定要大力支持喇！