露底魔法師
雖然未到夏天，但有唔少靚女已急不及待穿上迷你裙出街，望住一對對修長美腿，真係令人心曠神怡！呢啲夏日涼風唔止吹到靚女嘅腿上，日本模型界亦有唔少迷你裙同美腿嘅絕配，好似今次介紹嘅手辦模型，就係嚟自日本人氣電玩《迷宮塔：The Recovery of BABYLIM》嘅女主角卡伊，絕對係養眼之作！
卡伊係《迷宮塔》系列第三部嘅女主角，係個魔法師，雖然身材唔係好激凸，但係一對吸手波，十分迷人，加上一雙修長美腿，令一眾電玩迷神魂顛倒。仲有，性感迷你裙下，誘人嘅三角褲若隱若現，更係惹人遐想。呢個手辦模型除咗充分展現出卡伊嘅迷人之處外，手執魔仗嘅造型，顯得英姿颯爽，完美地將溫柔同剛毅兩種唔同嘅元素糅合一齊，好想將呢個模型據為己有呀！
全高：約230mm
售價：¥10,290（約HK$978）
發售日期：預計5月