世界波：豆腐花太Dry 搵仔調劑

四仔界有一班脫星專門拍豆腐片，不過並唔代表佢哋真係鍾意女人，而Jana Darling就好有女人緣，雖然佢坦言男女都啱，但係女人見到佢就會好狂熱，而阿妹為咗應付班豆腐花，搞到冇晒時間溝仔喎！

喺四仔界有豆腐影后之稱嘅Jana Darling，佢所演出嘅豆腐片統統都好有質素，有成本又有卡士，絕對唔係是但之作，所以好多豆腐影迷對佢如癡如醉，片場成日集結一班豆腐花，當中唔少更係富婆，佢哋為咗討得阿妹芳心，大灑金錢送上好多名貴禮物，真係羨慕死人。

死心塌地

阿妹成日同傳媒講，話自己唔係淨食豆腐花嘅，只不過咁啱遇親都係女人，所以先同女人一齊比較多，其實男人佢都啱，只不過冇時間去溝啫！Jana話：「出道以嚟已經吸引好多豆腐影迷，佢哋對我死心塌地不特止，又送花又送珠寶，令我受寵若驚，最終咪經唔起佢哋瘋狂追求，墮入愛河囉！其實我都曾經同過男人拍拖，不過啲仔對我真係冇咁好同細心，家陣我亦冇時間溝仔，所以食住豆腐花頂肚先喇！」

不過Jana話自己平時拍戲多數都係拍豆腐片，私下又有個同性密友，有時都會覺得太單調，所以都想接拍一啲直片，同男優砌鑊甘。佢話：「唔係話同女人唔好，不過同男人做愛又有另一番風味，夠激又直接，砌得盡興啲，而且男人夠粗獷，可以試吓拘束性愛，甚至玩愉虐遊戲，令我可以從痛苦中獲得超快感。」

作品推介

碟名：《Take Cream》

內容：呢齣係一部好清新嘅四仔同志喜劇，性愛場面好Sweet，帶畀觀眾溫馨細膩嘅感覺，重點當然係拍得Jana Darling又靚又性感啦！

Jana Darling's Profile

三圍：32B-24-33

身高：5呎6吋

年齡：24歲