保母嚴厲教女

認識這位在澳門夜總會當保母的朋友大概超過10年，除了工作上的接觸，私底下，我們也頗談得來，她們行頭的工作辛酸，我當然知道多少，如人工不高，責任又大，她就試過跟過一位對工作相當「有要求」的老總，讓她疲於奔命，甚至想過轉行。幸好，日子熬過來後，轉了環境，她又可以一展所長。除了平時教女、管女，她還要應付我們這些傳媒，現場看囡囡對她都必恭必敬的，態度甚至比面對老總好。

「對女一定要嚴o架，唔係冇人驚你，但嚴得嚟又要畀佢哋清楚規矩係點，唔講清楚，到時要罰佢，佢哋點會服你？」她舉了個例子，入這家新場之初，她就向所有囡囡聲明返工時要向她交出手提電話，目的就是提防囡囡帶電話坐枱，影響招呼。結果，只有部分囡囡肯交出電話，她也嚴格執行當初跟大家說好的懲罰：一是罰款$500，二是在小姐房內當眾扭耳仔，大聲說出自己不守規矩，如此一來，大家都知道她是來真的，以後一上班，囡囡都乖乖交電話出來。「咁一味企硬又唔得嘅，有陣時都要同啲囡囡傾吓偈，了解佢哋諗咩o架！」