甩毛男易失雄風
年近40嘅男人，好易出現地中海問題，但佢哋都會特意留長側邊嘅頭髮，用以掩蓋頭頂嘅光頭。呢啲男士大多數都係好男人，由於工作努力，大多身居中層管理，但要再升，就往往欠缺運氣。佢哋喺事業上失敗嘅原因，係因為性格太好，唔能夠狠下心腸一心向上，所以未能得到老闆嘅賞識，但就贏得同事嘅支持。
感情上佢哋大多數都早婚，會對老婆好好，買餸煮飯、湊仔洗衫，全部都辦妥。但喺房事上表現一般，如果老婆嘅收入畀佢多，壓力會更大，性能力更會大打折扣，所以做太太嘅就要小心開導老公嘅情緒，只要佢哋心理上得到滿足，就會喺生理上充分反映，到時咪床笫之樂無窮囉！