夜場囡囡做代母
最近網上流傳一單有關「代孕」嘅新聞，話某大傳媒嘅記者，訪問咗長沙一間提供代孕服務嘅中介機構，該機構嘅發言人話，代孕服務商機無限，因為現時不能生或不想生嘅女性實在太多。
供不應求
發言人話近年嚟，代母供不應求，所以有啲心急想做父母嘅朋友，往往願意一擲千金尋找代母。當記者問及哪些人會做代母時，負責人直言由碩士生到娛樂場所嘅吧女都有！
有網友就話，搵碩士生或者其他專業人士做代母都好正常，但邊有人肯搵娛樂場所嘅吧女做代母呢？一來怕佢哋生活唔檢點，影響胎兒健康，二來又怕胎教會教壞BB，除非呢間中介公司唔係將胚胎放入代母母體，而係直接畀客人搵囡囡播種就唔同講法。
有網友估計，可能係發言人一時口誤講錯咗，但亦有網友猜測，可能係因為代母供不應求，中介公司惟有搵啲夜場囡囡濫竽充數，若然係真，咁咪好冇保障？