南瓜批增加硬度
小弟嗅覺特別靈敏，不但聞到女人身上散發嘅淡淡香氣會產生生理反應，有時連聞到食物嘅氣味都會有如此反應，起初我仲以為自己身體有問題，後來，當我睇完一個來自美國芝加哥嗅覺及味覺治療調查中心嘅一個研究報告之後，我就知道原來自己嘅反應係正常嘅。
該報告指出，人類嘅嗅覺於刺激性趣上有重要功用，而且有好多食物嘅氣味，可以令男士增加硬度添！報告曾進行過一項實驗，總共測試40種食物嘅氣味，發現外國家庭常見嘅南瓜批，其氣味會令男士「小弟弟」嘅血液增加40%，換言之可以增強硬度，其次係雲呢拿味以及士多啤梨味。至於南瓜批散發出嘅氣味當中，到底有何物質能令男士增強硬度，報告就冇交代。不過，中醫學認南瓜有補中益氣之效，而營養學方面，亦話南瓜可以預防前列腺疾病，男士多食有益冇害啦！