一言為定
肥明同小芳拍咗拖5年，決定拉埋天窗。訂好晒酒席、影好結婚相，再買咗間細價樓做愛巢之後，肥明諗諗吓，都係為自己結咗婚之後嘅未來打算一下，於是同小芳約法三章。肥明同小芳話：「老婆，你都知我一向都好大男人o架啦！所以，正式結婚之前，我有少少說話同你講。以後，我想幾時返屋企就幾時返屋企。仲有，每晚你要煮定晚飯等我返嚟食。另外，我如果打電話通知你同朋友食消夜落Bar，麻煩你唔好中途打電話嚟Check住我，費事朋友以為我畀人管住晒。你有冇問題先？」
小芳就話：「好！一言為定！我答應咗你，你都要答應我少少要求喎！」正當肥明以為小芳咁慷慨，又以為自己可以返唔返屋企都得嘅時候，小芳就話：「以後每晚8點鐘，我都要上床做愛，不論你喺唔喺屋企都一樣！有冇問題？」肥明答：「冇……咪住！我唔喺屋企，咁你同邊個做愛呀？」