雙膝緊靠自設禁忌
囡囡坐低嘅時候，雙腳打開，但兩膝緊貼，表面好似好輕鬆、開放咁，但實際上萬事都留一手，身邊朋友冇人敢講可以完全了解佢嘅一切。其實唔係囡囡深謀遠慮，而係佢缺乏信心，唔敢同人交心，所以萬事留有一着，等自己可進可退。
同呢類人做普通朋友一定冇問題，佢哋可謂相識滿天下，但交往日深之後，就會發覺佢哋對朋友總有少少保留。做朋友嘅未必會覺得係乜嘢一回事，但如果昇華到男女朋友嘅關係，就會覺得對方有嘢存心隱瞞，感情運會大打折扣。
而喺性事上咪睇佢哋平時大大方方咁，原來一上床就會為自己設好多禁忌，例如一定要喺熄晒燈嘅環境下至可以親熱，或者永不提供口舌服務等，當你問佢哋點解要咁做時卻係講唔出原因，要破除佢哋嘅心理禁忌，就要花啲時間同耐心喇！