超級球迷
阿言係個標準球迷，勁鍾意睇波，即使同老婆美華曳曳，都會邊做邊睇，因而令老婆非常不滿。呢日美華走去搵性愛專家求助，睇吓有乜辦法可以解決問題，專家提議佢轉去浴室曳曳，既有情調，又睇唔到電視，老公自然會專心做愛啦！美華嘆氣道：「呢個方法唔得，因為我哋屋企個浴室有電視，個衰佬話方便佢開大時睇波喎！」專家就提議喺廚房搞嘢，美華又嘆氣：「廚房都有電視，連露台都有電視呀！」專家諗咗一陣，就話：「咁下次曳曳嘅時候，你換上一件透視裝啦！」美華大惑不解：「如果呢招都冇效，點算好呀？」專家教路：「你喺透視裝背後貼上一個冧巴，如果都唔掂嘅話，我就嚟你屋企做球證，畀個紅牌罰佢出場，相信佢會認真作賽喇！」