干露露浴室徵婚博出位
內地女星的出位伎倆真的層出不窮，除咗床照夠出位之外，仲出動埋阿媽幫手，一齊製造話題，務求打出名堂。這位干露露曾經跟《讓子彈飛》內的「大波民女」趙銘合作拍大膽寫真，但佢始終嫌知名度未夠，居然諗到嚟招「出浴徵婚」，結果就令佢人氣急升，成為網絡人氣徵婚女王，好多男人都想應徵！
涉嫌炒作
話說上個月情人節當天，網上有一段名為「母親衝進澡堂給女兒拍視頻徵婚」的短片，片中的女主角就係依家紅爆網絡嘅性感女星干露露。原來佢係一名畢業於中央戲劇學院表演系嘅影視演員，曾經跟北京人民大學女生蘇紫紫合作，拍攝尺度大膽，甚至全裸的寫真。
自從徵婚片段出街後，她的人氣一時無兩，而她的炒作方式也被評為層出不窮，連媽媽都要出場對戲，似乎有啲過火。不過佢為咗避嫌，竟然同母親上電視節目大鬧一場，母女都堅稱徵婚片段並非炒作之用，媽媽更直言自己係一位瘋媽媽，從女兒7、8歲起，就不停幫佢物色「好物件」，佢哋兩母女嘅言行，真係令人嘖嘖稱奇。
干露露Profile
三圍：34D-24-34
身高：5呎7吋
年齡：25歲