凸鎖骨會玩一夜情
以前啲相書話囡囡凸鎖骨係辛苦相，但今時今日，個個女仔都要出嚟打工，大家都一樣為口奔馳，但比較之下，鎖骨凸嘅囡囡做人會要求高一啲，而且喜歡親力親為，唔係自己一手一腳跟過嘅嘢都唔會放心，所以搵佢哋做私人助理或者秘書就認真一流。
感情方面，佢哋亦習慣當家作主，兩個人拍拖，囡囡會喜歡話事，以前大男人年代，呢種囡囡當然難搵對象，但家陣草食男當道，有人話事，佢哋不知幾開心，所以感情運應該唔錯。
至於房事上佢哋始終係女性，雖然為人有主見，但有時都渴望男士做主動，甚至希望對方畀到驚喜佢哋。但如果另一半滿足唔到佢哋，就有可能會產生外騖之心，玩一夜情嘅機會甚大，但如果另一半可以令佢驚喜不斷，咁佢就會乖乖做你嘅女人。