獻身博升職加薪
打工仔要升職加薪，除咗勤力工作、表現出色之外，亦可以憑美色上位，就以英國為例，有唔少打工仔寧願獻身畀上司嚟博取升職加薪，多過勤力工作嘞！
上床取悅上司
早前英國一個招聘網站邀請到1,003人進行調查，發現有20%受訪者表示願意上床取悅上司博升職加薪，好過花時間提升工作表現嚟博上位。另外，有26%受訪者就表示只係願意獻吻取悅上司。不過，有17%則表示，陪上司上床唔一定係為咗升職，只係為咗得到利益，例如金錢。嘩！咁樣同做小姐、鴨仔有咩分別呀？所以我嘅宗旨係要靠自己努力上位，唔會用埋呢啲旁門左道，仲有所謂好事不出門，醜事就傳千里，不但畀公司內嘅同事取笑，萬一畀上司嘅另一半知道咗，就更加麻煩。當然，如果單身女上司主動要求，我就另作別論啦！