裸髮寫真
為咗宣傳自己部新戲，好多女星都會搏晒命四出奔走，若然係性感女星一類，更加會無時無刻都拋胸露乳博上鏡。
不過，佢哋都未夠日本女星嘉門洋子勁，因為佢為咗宣傳新作《不倫純愛》，特別推出令人噴血嘅裸體寫真集，名為《寫真集 嘉門洋子》。
今年30歲嘅嘉門洋子係演員同模特兒，縱橫電視界、電影界同模特兒界都有好多年，憑一副35-23-35嘅火辣身材而惹人注目。之不過，家陣日本興睇o靚妹仔，搞到洋子都顯得黯然失色，所以除咗喺自己部新戲有大膽演出外，喺事仲前拍咗輯人生首次嘅頭髮裸體寫真集。
何謂頭髮裸體？即係洋子全裸演出，盡騷一副驕人胴體之外，亦同時騷埋自己一把又長又黑嘅頭髮囉！你知啦！日本男人嘅癖好有時真係幾偏都有，唔少男人好鍾意欣賞同親近女性嘅美麗髮絲，睇嚟今次洋子拍呢輯寫真除咗宣傳之外，仲可能想吸引呢類口味特別嘅男粉絲喎！