師爺鬚性變態
男人嘅鬍鬚，喺相學上嚟講，要生得濃密至合乎標準，生到一啲鬚根都冇就一定有問題，而有啲男士嘅鬚根，只集中喺兩邊嘴角上，古時叫呢種鬚做「師爺鬚」，就算留長後都只會又短又幼，成唔到鬍鬚嘅形。
生有師爺鬚嘅朋友，體質比較差，因此性格比較偏鋒，多用計謀成事，但為人陰柔，所以只能輔助別人，做師爺出謀獻策，有時或可狐假虎威。
佢哋為人好色，喜歡流連風月場所，但要佢成家結婚，則會耍手擰頭，因為害怕自己無法養活家人。
至於床上嘅表現，由於體質較差，加上生活不知檢點，好多時未到中年就出現各種毛病，性功能差強人意，得唔到真正嘅滿足。如果不知進退，反其道而行，更會愛上古靈精怪嘅另類性玩意，嚴重者更會傷害到身體或者惹上官非。