脫星變保守反而有米路

今日帶大家睇吓何謂雙重標準？早前英國廣播公司（BBC）天氣女郎以一襲緊身低胸裝報天氣，事後惹嚟網民熱烈討論，結果當事人即時收起性感，令外界無緣再(目及)好嘢！之不過本來係靠剝衫賣肉搵食嘅脫星Teagan Presley，因為發現剝與唔剝都咁多人支持，於是將寫真尺度逐漸收緊，但出奇地冇人怪佢，反而獲讚健康性感美，咁你話呢啲係乜嘢標準呢！

未上位前嘅Teagan Presley，寫真甫士雖唔講得上淫賤，但挑逗性十足，倒奶、趷籮、自摸瓣瓣齊，當事人亦唔介意四點任君睇。

T-back欠奉

一年後嘅今日可見，阿妹寫真愈見密實，幾乎連T-back都冇乜，變晒短裙短褲，仲要畀個背脊你睇，咁都叫脫星，真係有點兒那個囉！

至於影迷就好似食咗迷藥咁，繼續出錢力撐Teagan Presley，有傳Teagan此舉另有目的，事關平面寫真露得太盡會影響四仔銷情，惟有寫真露少啲肉，四仔玩激啲，達至兩邊都叫好叫座，佢就可以賺到盆滿缽滿。照咁推算，阿妹啲肉咁矜貴，不如着件潛水衣拍寫真，由頭包到腳咪仲暢銷！