世界波：盡展床技　釣金龜

其實唔止香港女人想做灰姑娘，全世界嘅女人都想！好似脫星Dorothy Black都好恨做，不過佢出身四仔界，想做灰姑娘又真係窄啲，不過阿妹認為世上無難事，只怕有心人，所以近期佢積極相睇同招親，希望可以成功釣得金龜婿。

最近Dorothy去咗好多間婚姻介紹所，又放晒風話自己待價而沽，希望可以喺年底做灰姑娘，搵到個金龜，佢仲話自己都唔係咁貪心，唔使要幾十億咁多，4億就夠喇！嘩！4億，好多男人都有，不過係精子啫！

身家豐厚

其實Dorothy喺四仔界一向有小富婆稱號，人人都知佢節儉，平時拍戲搵到幾多都儲埋，或者攞去投資，所以身家都幾豐厚，就算佢依家退休都唔愁日後嘅生活。不過，錢又冇人嫌多，阿妹話要釣到金龜，先會考慮退休喎。佢話：「我一向都好節儉，唔係大花筒，尤其係做我哋呢行，花無百日紅，梗係好天搵埋落雨柴，就算人老珠黃嗰陣都仲有得慢慢使。不過，我計過數，自己嘅身家都仲未夠退休，所以最好搵個金龜，做我強大嘅經濟後盾，咁就可以安安樂樂咁過退休生活喇！」

功夫搭夠

但係阿妹好似無諗過自己嘅出身，點會咁易畀佢搵到金龜，就算有都係一夜情喇！唔通真係有富豪肯娶佢返屋企做老婆咩！Dorothy話：「我都知自己咩出身，不過好多嘢講唔埋嘅，而且我又唔係要求大富豪，只不過想搵個有少少身家，可以養我一世嘅老公啫！唔信以我嘅身材，同埋床上功夫，迷唔到一個有錢佬娶我囉！」

Dorothy Black's Profile

年齡：27歲

身高：5呎5吋

三圍：34C-25-36