豬兜樂園之再陷險境

七仔終於鼓起最大勇氣，跨出第一步之後，就運用全身嘅力量，高速向前跑。一直跑、一直跑，跑咗唔知幾耐，佢見到一道門，佢心諗呢次一定死硬，但唔理得咁多，一於嘗試去扭開門柄，點知一扭就打開咗。打開之後，一道耀眼嘅陽光直射喺佢面上，佢終於成功逃離淫蕩嘅豬兜樂園，可以呼吸自由嘅空氣。

一無所獲

佢喺大街上飛奔，第一時間諗到嘅就係去報警，因為佢畀人禁錮，而且仲畀人輪大米。雖然佢係男人，就算告唔入女人強姦，但都有權利告佢哋綁架禁錮。所以去到警局之後，佢就一五一十將成件事情講出嚟，將呢幾日嘅經過巨細無遺咁話畀警察聽。

警方聽到之後，當然好緊張，事關如果真係有一個咁危險嘅組織，之後一定仲會有好多受害人，於是便立即根據七仔提供嘅線報去調查，但卻一無所獲，所到之處係一間好正常嘅餐廳，並唔係七仔所形容嘅模樣，亦完全唔見有任何異樣，位位都係青春可人嘅苗條靚女，就連一個肥顧客都冇。

行動結果一無所獲，警方當然搵七仔算帳，話佢報流料，浪費警力，七仔花咗一番唇舌，先可以甩到身，仲差啲畀人告番轉頭，呢次真係啞子吃黃連，有苦自己知。佢唔相信呢班淫娃可以喺咁短時間內改變晒所有嘢，為咗證明自己嘅清白，一於再度以身犯險，深入虎穴查個究竟。

深入虎穴

佢去到當日逃脫嘅地方，發覺真係唔同晒，只係見到一間餐廳，於是佢入內幫襯，再視察形勢。入到去放眼所見，都係好標青、好苗條嘅女侍應，簡直可以用非一般侍應嚟形容。佢心諗，冇辦法啦！既然都人去樓空，惟有認命啦！於是佢叫咗一客三文治，同埋一杯牛奶醫肚，之後佢又再一次視力模糊。

過咗好耐，當佢張開眼睛嘅時候，發覺眼前嘅景物好熟口面，因為呢間就係之前禁錮佢嘅房間。今次佢畀人綁住手腳，完全唔可以自由活動，佢心諗呢趟想走都好難，但事到如今，後悔都冇用。